Hvølpavenjing er ætla hvølpum og unghundum yngri enn 10 mánaðar. Pláss er fyri i mesta lagið 8-10 hundum á hvørjum holdi.

Skeiðini verða hildin ymsa staðni í landinum.

Eitt hvølpaskeið varar í umleið 3 mánar, og umfatar alla vanliga grundvenjing, so sum gang pent, kom tá eigarin rópar, sit, ligg og nógv annað. Umframt grundvenjingina sleppa luttakararnir eisini at royna seg í øðrum hundaítróttum, t.d. spor og leita. Hesar hundaítróttagreinar er tá tillagaðir hvølpum og unghundum.

Ein umráðandi partur av hvølpavenjingi er sosialisering. Hvølparnir læra at verða saman við øðrum hundum og fólkum. Eins og eigarin lærir hvussu hann kann venja við hundinum sjálvt um aðrir hundar eru til staðar.

Eisini verður undirvíst í hundaatferð og hvussu tú sum eigari kann nýta hetta í gerðandisdegnum, og á tann hátt fyribyrgja ymiskum trupulleikum, ið kunnu stinga seg upp. Tú lærir at geva hvølpinum góðar vanar, soleiðis at tú fær ein vælvirkandi hund, ið tú kann hava stóra gleði av í nógv ár framyvir.