Agility – ella hundafimi – er ein hundaítrótt, ið hevur vundið nógv uppá seg seinastu árini, bæði innanfyri kappingar og stuttleikavenjingar.

Agility er sera stuttligt og mennandi – bæði fyri hund og førara. Endamálið er, at hundurin skal renna ein bana við ymsum forðingum uppá so stutta tíð, sum gjørligt. Hundurin skal m.a. leypa upp um ymisk lop, renna ígjøgnum tunnlar, slalom, eftir balansubummi og nógv annað.

Agility venjing krevur, at hundurin so nøkulunda kann vera saman við øðrum hundum, uttan at hava alt ov góðan hug at fara at klandrast við teir.

Neyðuga lýdni venjingin, ið agility krevur, er ein sjálvsagdur partur av serliga byrjunar agility venjingini.

Tey, ið ikki áður hava luttikið í agility venjing, byrja í bólkinum: Byrjunar agility. Tá venjarin metir, at hundur og førari eru klár til tað, verða tey flutt til agility vand.